Ek Taza Hiqayat hai Sun lo To Inayat hai
.
.
Ek Taza Hiqayat hai Sun lo To Inayat hai
.
.
.
Ek Shakhs ko Dekha Tha Taron ki Taraha Hum ne
Ek Shakhs ko Chaha tha Apno ki Tarah Hum ne
Ek Sakhs ko Samjha Tha Phoolon ki Tarah Hum ne
Wo Shakhs Qayamat tha kia Us ki karein batein
.
.
.
Din Uske lye Paida Or Us ki hi Thi Ratein
Kam Milna kisi se tha, Hum se Thi Mulaqatein
Rang Uska Shahabi Tha Zulfon Mein thi Meh-Kaarein
Aankhein Thi ke Jaadu tha, Palkein thi k Talwarein
.
.
.
Dushman bhi agar Dekhein So Jaan se Dil haarein
Kuch Tum Se Wo Milta tha Baton mai, Shabahaton mai
Haan!! Tum sa hi Lagta tha Shokhi mai, Sharat mai
Lagta bhi Tum hi Sa tha Dastur-e-Muhabat mai
.
.
.
Wo Shakhs Humein ek Din Apno ki Tarah Bhoola
Taron ki Tarah Dooba, Phoolon ki Tarah Toota
Phir Haath na aya Wo Hum ne To boht Dhoonda
.
.
.
Tum kis liye Chonke ho?? kab Zikr Tumhara hai
Kab Tum se Taqaza hai? Kab Tum se Shikayat hai?
.
.
.
Ek Taza Hiqayat hai Sun Lo To Inayat hai !




Hamari Aankh Mai Paani Boht Hai
.
Hamari Aankh mai Paani boht hai
Ke is Darya mai Tug-Yaani boht hai
.
Ujarr ker Nahi Bhoola yeh Tujh ko
Hamein is Dil per Hairani boht hai
.
Suna hai Be-Sabab Hum se Bicharr ker
Tujhe Ahsaas-e-Nadaani boht hai
.
Najane konsi Khubi hai Tujh mai
Ke Dunya Teri Deewani boht hai
.
Mohabbat Soch ker karne k is mai
Sukoon kam hai Pareshani boht hai
.
Falak per b Tujhe Dhoonda hai Ae Hamdam!!
Zameen ki Khaak b chaani boht hai





Hum Nazuk Nazuk Dil wale Bus aise hi to hote hain
Kabi Hanste hain Kabi Rote hain Kabi Dil mai Khuwab pirotey hain
.
.
.
Kabi Mehfil Mehfil phirtey hian, Kabi Zaat mai Tanha hote hain
Kabi Chup ki Mohrr lagate hain, Kabi Geet Labon per latey hian
.
.
.
Kabi Sab ka Dil Behlatey hain, Kabi Khood mai Tanha hote hain
Kabi Shab-Bhar Jagte rehte hain, Kabi Lambi Taan ker sotey hain
.
.
.
Hum Nazuk Nazuk Dil wale Bus aise hi to hote hain
Kabi Hanste hain Kabi Rote hain Kabi Dil mai Khuwab pirotey hain




Ye Dil Tum se Pyaar karna chahta hai
Apni Mohabbat ka Iqraar karna chahta hai
.
.
.
Jab se dekha hai Tum ko Ae Sanam!!
Bas Tumhara hi Dedaar karna chahta hai
.
.
.
Logon se sunte the Mohabbat ke Afsaane
Khuwaab Hum ne bhi dekhhe the Suhaane
.
.
.
Pyaar kya hai ? Hum aksar sochte the
Is Baat se Hum apne Dil ko rokte the
.
.
.
Lekin ab Tumhain is Dil main basa ker
Yeh Khata ek baar karna chahta hai
.
.
.
Yeh Dil Tum se Pyaar karna chahta hai
Apni Mohabbat ka Izhaar karna chahta hai





Tumhara Naam Likh Likh Ker
.
Tumhara Naam likh likh ker Mitana bhool jata hoon
Tumhein jab Yaad karta hoon, Bhulana bhool jata hoon
.
Boht si aisi Baatein hain jo Mere Dil mai rehti hain
Magar jab Tum se milta hoon, Sunana bhool jata hoon
.
Tumhare baad ab her Pal bari Mushkil se Kat-ta hai
Mai aksar Tum ko Khuwabon mai, Batana bhool jata hoon
.
Mai her Shaam kehta hoon Tum ko bhool jaoonga
Magar jab Subah hoti hai, Iraada bhool jata hoon





Izhaar-e-Wafa
.
Aankhon se hi Lafzon ko Ada kar dia Usne
Chup reh ker b Izhaar-e-Wafa kardia Usne
.
Haseen Bayan ka matlab jana hai Mai ne Aaj
Bin Janbish-Lab khood Bayan kar dia Usne
.
Chanchal si Muskurahatein, Aankhon mai Shokh-Pan
Apna mujhe Aseer-e-Ada kar dia Usne
.
Mera Dil jo kabi Misl-Dhoop se Mashoor tha
Lamhon mai Saawan ki Hawa kar dia Usne
.
Laakhon the uski Surat-o-Seerat k paristaar
Ek Mere siwa sab ko Fana kar dia Usne




Meri Pagal Mohabbat Tumhein Yaad aayegi

Jab Chaand Sitare chamak rahey hon
Jab Yaadon k Phool Mehak rahey hon
Jab Deed ko Nain taras rahey hon
Jab Aankhon se Aansoo baras rahey hon

Meri Pagal Mohabbat Tumhein Yaad aayegi

Jab Tanhai se Dil Ghabraye ga
Jab Tumhein Akela-Pan Satayega
Jab koi Khuwab hi nahi ayega
Jab Phool Kitab mai hi reh jayega

Meri Pagal Mohabbat Tumhein Yaad ayegi







Mila Wo b nahi karte, Mila Hum b nahi karte
Wafa Wo b nahi karte, Wafa Hum b nahi karte
Unhein Ruswai ka Dukh, Hamein Tanhai ka Darr
Gila Wo b nahi karte, Shikwa Hum b nahi karte
Kisi Morr per Takrao ho jata hai aksar
Ruka Wo b nahi karte, Thera Hum b nahi karte
Jab b dekhte hain Unhein, Sochte hain kuch kahein unse
Suna Wo b nahi karte, Kaha Hum b nahi karte
Lekin! ye b Sach hai k Mohabbat Unhain b hai
Izhaar Wo b nahi karte, Kaha Hum b nahi karte






Nazron se Nazrein mili to Bura Maan gaye
Hum ne Aankhon se Ishara kya to Bura Maan gaye
Baat Baat per Muskurana Unki Aadat thi,
Zara sa Hum ne jo Hansaya to Bura Maan gaye
Hamein Aazmane ki Baat karte they Aksar,
Jab Hum ne Aazmaya to Bura Maan gaye
Pyaar mai Be-Wafai na karna Wo Kehte they,
Isi Baat ko Hum ne Dohraya to Bura Maan gaye

Related Posts by Categories



Widget by Hoctro | Jack Book

0 comments

Recieve Jokes By Email

Enter your email address:

Delivered by FeedBurner