This one is supposed to be a total timepass. Read and enjoy!!----------------------------------

Julie aur Sulie do ben log rehta hai. Ben log maane judwaa.

Lekin dono main fark bole to solid. Julie ekdum Smart, jhakaas aur Sulie ekdum
halki re. To kya hota hai maloom Sulie tho bachpan se, woh kya bolte hain usko.. Stubborn rehti hai.

To julie jo bhi maangti hai na...Sulie ko woh maangta-ich hai. Julie ko gudiya mili to Sulie ko bhi maangta tha... Julie ko kangan mila to Sulie ko bhi mangta hai.

Aisa karte karte bees saal guzar gaya. Abhi bole to Julie ke peeche ladka log, matlab, fulltoo mein fida, aur Sulie ko koi kutta bhi dekta-ich tak nahin tha. To na, Julie ka shaadi ekdum karodpati ladka ke saath hota hai.

Aur Sulie ek fatichar funtoosh se shaadi banatha hai. Shaadi ke baad Julie Fridge leti hai baap. Sulie bhi pati se fridge maangti hai. Pati bechara garib. Lekin biwi ko khush karne ke waaste woh Fridge khareed leta hai.

Abhi Julie agle mahine Air Conditioner khareed dalti hai. Sulie bhi jidd karti hai baap. Bolti: AC nahin liya to khud ko tapka daloongi. Pati bechara aur paise udhaar leta hai aur AC khareed leta hai.

Ab Julie car khareedti hai. Sulie bhi jidd karti hai. Pati ka dhimaag satak-ta hai lekin phir bhi saala karega kya, pitaji ka zameen bech dalta hai aur gaadi khareedta hai.

Thode dinon ke baad Julie gaadi bech ke bus khareedti hai. Sulie jidd karti hai Abhi pati solid bhadakta hai baap. Bolta hai "Ae item, ab dhimaag ki dahi mat bana..bahut ho gaya tera natak. Abhi apun tera ek nahin sunega. Apun jaa
rahela hai"
To Sulie ko chodke woh chala jaata hai. Sulie lekin apni gaadi bechkar Aur paisa market se uthakar bus khareed leti hai. To Julie aur Sulie apne apne bus main Ek din picnic ko jaata hai. Bus ko park karke woh log ghoomne phirne ko jaata hai.

Wapas aake dekhta hai to saala bus main steering wheel gaayab, seat gaayab, gear gaayab...sab kuch ghayab!! Sulie julie ko dekhti hai aur kuch to bolti
hai.

Abhi Ekdum simple koschan: Sulie Julie ko kya bolti hai??


* * Ye tu bhol-na * * * * *




* * * Abe soch...... * * *




* * *la dhimag kaam nahi kar rehla hai? * * *



* * * Haar maan gaya kya??? * * *





* * * Accha chal bolich dalta hoon: * * *




"NA KUCH TERE BUS MAIN JULIE NA KUCH MERE BUS MAIN..."



ae biddu, apun ko gaali mat de , aur apun ke upar gussa mat hona, kya!!

Related Posts by Categories



Widget by Hoctro | Jack Book

0 comments

Recieve Jokes By Email

Enter your email address:

Delivered by FeedBurner